🇪🇹🇪🇹🇪🇹🇪🇹🇪🇹

የመደመር ዕሳቤ የኛ ነው።ያመነጩትም ሆነ ያዳበሩት ገባሮቹ ሁለት ናቸው።አንዱ በዘመናት ታሪካችን ውስጥ የነበሩና ያሉ ሀገራዊ ባህሎቻችን አምጠው የወለዷቸውና የህብረተሰባችን የልብ ትርታ የተቃኘባቸው ዕሴቶቻችን ሲሆኑ፣ሌላው ደግሞ የተፈጥሮ ሕግ ነው።ለዚህም ነው ለቁልፍ ችግሮቻችን ቁልፍ መፍትሄዎችን እንደሚያቀብል የማምነው። 

የመደመር እሳቤ በእኔ ውስጥ ይበልጥ እየበሰለና ፍልስፍናዊ ቅርፅ እየያዘ የመጣው በተለያየ ወቅት በሐላፊነት በሰራሁባቸው ተቋማት አስተሳሰቡ የአመራር እሴትና ተቋማዊ ባህል ግንባታ አካል እንዲሆን ማድረግ ከቻልኩ በኋላ ነው።

በተለይም ኢመደኤን በማቋቋም ሂደትና ከተቀቋመ በኋላም በቆየሁባቸው አመታት(ከ1999 እስከ 2002 ዓም)መደመር ቁልፍ ተቋማዊ እሴት እንዲሆን ብሎም ከሀገር ውስጥና ውጪ ሀገር ተቋማት ጋር የሚኖረን ግንኙነት በዚሁ መንፈስ እንዲቃኝ ለማድረግና ለውጥ ለማምጣት ጥሬያለው። 

በበርካታ ተቋማት ውስጥ በነበረኝ ቆይታ አስተሳሰቡ ተቋማዊ ንብረትንና ተስፋን በመፍጠር የተቋማቱ ሰራተኞች በከፍተኛ ተነሳሽነት ሌት ተቀን እንዲሰሩ እና በሀገር ፍቅር ስሜት የየበኩላቸውን እንዲያበረክቱ ማድረግ መቻሉን በተጨባጭ ለማየት ችያለው። 

መደመር ገፅ lll